O Instituto Galego da Vivenda e Solo (IGVS), ademais da execución das políticas autonómicas en materia de vivenda, é o organismo encargado da xestión do plan de vivenda e rehabilitación no territorio da Comunidade Autónoma de Galicia.

Un pilar importante do plan de vivenda é o incentivo á promoción das vivendas protexidas, mediante o financiamento das actuacións que consiste en préstamos convidos e subsidiación da cuota do mesmo así como subvencións, en función da tipoloxía da promoción. Tamén poderán promover a construción de aloxamentos protexidos destinados a ser arrendados a persoas pertencentes a colectivos específicos ou especialmente vulnerables, segundo se especifica na normativa estatal e autonómica reguladora do plan de Vivenda e Rehabilitación e da súa xestión e das axudas autonómicas complementarias ás estatais.

Pode ser promotorde vivendas de protección autonómica quen impulse, programe e financie as obras de edificación para uso propio ou para a súa posterior venda ou arrendamento a persoas inscritas como demandantes de vivenda protexida.

A promoción debe cualificarse como protegida polo IGVS para ter acceso ao financiamento do Plan de Vivenda e Rehabilitación e cumprir as obrigas derivadas do seu réxime de protección, conforme a súa cualificación, así como os demais requisitos e limitacións inherentes á súa condición de vivendas protexidas, de conformidade co establecido na Lei de Vivenda de Galicia e nas demais disposicións de aplicación a este tipo de vivendas.