Primeiro: 

Solicitude de participación na convocatoria: solicitude de cualificación provisional de actuacións protexibles, (nesta solicitude é fundamental expresar o tipo de obras e o seu prazo previsto de execución, e para isto deberase ter en conta que a fin prevista deberá estar situada nos anos 2012 ou 2013 que será o momento en que se pague a axuda).

Na tramitación destas solicitudes terase en conta o orzamento que para cada ano se contempla na convocatoria de axudas.

Coa solicitude para obter a cualificación provisional das actuacións a realizar, quen así o desexe, pode solicitar o recoñecemento  a obter préstamo, para os efectos de xestionar un préstamo convido coas entidades financeiras que asinaron convenio co Ministerio de Fomento.

O préstamo concédese polo banco nas condicións do convenio asinado co Ministerio e a obtención do préstamo ten incidencia na obtención da subvención posible.

Atenderanse todas aquelas solicitudes que se presenten no prazo aberto, que cumpran os requisitos da convocatoria e ata o límite orzamentario previsto para cada anualidade (2012 e 2013)   

Segundo:

Execución das actuacións de rehabilitación, de acordo coa cualificación provisional.

Terceiro:

Solicitude de cualificación definitiva (rematadas as obras) e concesión de subvención:

O promotor das obras, unha vez terminadas e non máis tarde do transcurso dun mes dende a súa finalización nin máis tarde do prazo outorgado na cualificación provisional, solicitará a cualificación definitiva das actuacións e la concesión da subvención correspondente. Neste momento presentará tamén as facturas das obras e os correspondentes documentos bancarios do seu pagamento.

Para o caso de que actuase como promotor das obras unha comunidade de propietarios, as solicitudes de cualificación, xustificación das obras e o seu pagamento, presentaranse polo representante da dita comunidade de propietarios e a solicitude da subvención (pola súa parte correspondente) presentarase por cada unha das persoas físicas, membros da dita comunidade, que participaron nas obras de acordo coa cualificación provisional outorgada.

PASOS A SEGUIR

Solicitude de cualificación provisional de actuacións protexibles.

¿Quen?: Poden solicitar as persoas físicas que promovan obras para rehabilitación, xa sexa individualmente ou a través de comunidade de propietarios e que reúnan os requisitos establecidos en canto a titularidade, destino da vivenda e, de selo caso, ingresos familiares.

¿Para que tipo de obras?: As recollidas no artigo 45.2 do RD 2066/2008, tanto para obras dentro da vivenda como para o exterior (edificio).

¿Prazo?: Dende a publicación da convocatoria ata o 1 de decembro de 2011

¿Solicitudes?: Nos modelos normalizados que se xuntan coa convocatoria.

Se o promotor é unha comunidade de propietarios ademais deben entregar a relación de vivendas e titulares que participarán na promoción.

As actuacións que obteñan a cualificación provisional e executen as obras de acordo co establecido na mesma poderán continuar o procedemento e obter, de reunir todos os requisitos da convocatoria,  a subvención e o seu pago efectivo, en 2012 ou 2013 segundo prevexan a fin das obras.

Solicitude do recoñecemento a obter préstamo convido, sen subsidiación.

Pode pedirse coa solicitude de cualificación provisional, segundo o modelo oficial publicado como anexo a orde.

Os partícipes nunha comunidade de propietarios deberán presentala individualmente.

Unha vez obtida a resolución, tramítase nas entidades financeiras acollidas ao plan de vivenda 2009-2012.

A suma do préstamo obtido e da subvención concedida non poderá exceder do gasto subvencionable.

Solicitude de cualificación definitiva e concesión de subvención.

Debe solicitarse unha vez finalizada a obra e non máis tarde dun mes dende a súa finalización nin do prazo outorgado na cualificación provisional, nos modelos de solicitude anexos na convocatoria e xuntando a documentación necesaria.

Se o promotor foi unha comunidade de propietarios a cualificación definitiva e a xustificación das obras e do pagamento faina o representante da comunidade e a solicitude de subvención faina cada unha das persoas físicas, membro da comunidade de propietarios e que participaron nas obras, e que reúna os demais requisitos da conocatoria.

REQUISITOS DOS PROMOTORES

Ingresos

Cando se trate da rehabilitación de elementos privativos dos edificios-vivendas os ingresos familiares ponderados non poderán exceder de 6,5 veces o IPREM.

IPREM 2010: 7.455,14

Promotores e membros da unidade familiar

Persoas físicas. Poden actuar individualmente ou a través dunha comunidade de propietarios.

Deben contar con titulo suficiente para poder actuar como promotor das obras.

Non poden incorrer nas prohibicións establecidas no artigo 10 da lei 10/2007, de subvencións de Galicia.

Deben estar ao corrente coas súas obrigas tributarias e sociais.   

CONDICIÓNS DOS INMOBLES E DAS OBRAS

Situación

O inmoble ten que estar no ámbito da ARI dos Camiños de Santiago.

Coa solicitude deberase xuntar un informe do concello no que se indique que a vivenda está situada no ámbito específico.

Actuacións protexibles.

Obras no edificio: (Exterior)

           Para mellora da seguridade.

           Para mellora da estanqueidade.

           Para mellora da accesibilidade.

           Para mellora da eficiencia enerxética.

           Para utilización de enerxías renovables.

Obras nas vivendas: (Interior)

           Para mellora da habitabilidade.

           Para mellora da seguridade.

           Para mellora da accesibilidade.

           Para mellora da eficiencia enerxética.

Orzamento protexible.

O importe das obras. Inclúense todos os gastos necesarios, menos gastos financeiros.

Límites:

             Máximo: Precio básico nacional por metro cadrado útil de vivenda (En 2011 = 758 euros)

             Máximo protexible 90 m ²   útiles por vivenda.

             Mínimo: 1.000 euros por vivenda.

É dicir, o máximo protexible para 2011 será 758 x 90 = 68.220 euros

Antigüidade.

Os inmobles deberán ter como mínimo 10 anos.

Destino.

Debe destinarse a domicilio habitual e permanente durante, polo menos, 5 anos.

SUBVENCIÓNS

Beneficiarios

Poderán resultar beneficiarias das subvencións as persoas físicas promotoras das actuacións de rehabilitación, no ámbito da ARI dos Camiños de Santiago, que cumpran os requisitos establecidos no artigo 10 da lei 9/2007, de subvencións de Galicia, os que se establecen na convocatoria e nas súas bases e que obteñan a cualificación definitiva das obras.

Cando a cualificación definitiva das obras sexa outorgada a unha comunidade de propietarios, poderán resultar beneficiarias as persoas físicas, membros da comunidade, que participaron nas obras, en función da porcentaxe de participación que figure na cualificación provisional.

Non poderán resultar beneficiarios cando obtivesen financiamento ou axudas, para as mesmas actuacións, nos 10 anos anteriores.

Gasto subvencionable.

Considérase gasto subvencionable o orzamento das actuacións que figure na cualificación definitiva, sempre que quede xustificado o seu pagamento efectivo.

Para o caso de que a cantidade efectivamente xustificada e pagada sexa inferior ao orzamento da cualificación definitiva, considerarase gasto subvencionable o efectivamente xustificado e pagado.

Xustificación do gasto subvencionable.

Corresponde ao promotor das actuacións.

A obtención da cualificación definitiva substitúe á documentación que regula o artigo 48º.1 do Decreto 11/2009, de 8 de xaneiro, que aproba o regulamento da lei 9/2007 de subvencións de Galicia, para a conta xustificativa.

Deberase achegar, debidamente cuberta, a relación de facturas e os seus respectivos documentos bancarios de pagamento así como as súas facturas e xustificantes. Todo isto de acordo co previsto no artigo 42 do Decreto 11/2009.

Non son admisibles xustificacións de pagamento en efectivo.

Contías

Con cargo a fondos finalistas do Ministerio de Fomento:

40% do gasto subvencionable. Máximo 5.000 euros por vivenda resultante da rehabilitación.

Con cargo a fondos propios do IGVS. (Adicionais)

40% do gasto subvencionable. Máximo 5.000 euros por vivenda resultante da rehabilitación.

Incompatibilidade

As subvencións previstas nesta convocatoria son INCOMPATIBLES coas axudas establecidas no programa RENOVE do Plan de Vivenda e Rehabilitación 2009 – 2012.

Axudas compatibles

Son compatibles coas axudas que establece o Decreto 44/2011,do 10 de marzo, polo que se regulan as axudas autonómicas para o remate de fachadas e cubertas, rehabilitación e reconstrución de edificios e vivendas nos ámbitos rural, histórico e dos camiños de Santiago

Límites da subvención.

En ningún caso o importe das subvencións concorrentes de calquera Administración ou organismo público poderá superar o 75% do orzamento protexido das actuacións.