Á Dirección Técnica de Actuacións en Aluguer correspóndenlle as seguintes funcións:

• Propoñer e elaborar as medidas de actuación en materia de axudas ao alugamento.
• Coordinar e xestionar as axudas previstas para as persoas arrendadoras.
• Coordinar e xestionar as axudas previstas para as persoas arrendatarias.
• Xestionar os convenios e contratos dependentes das axudas ao alugamento.
• Coordinar e xestionar todas as medidas e axudas complementarias ás propias do alugamento ou aquelas que sexan destinadas a colectivos específicos.
• Elaborar os procedementos de funcionamento dos programas de aluguer e a coordinacion, se é o caso, das oficinas de información ao aluguer.

A Dirección Técnica de Actuacións en Aluguer contará cos seguintes servizos, con rango de xefatura de servizo:

Servizo de Programa de Aluguer

Realizará as seguintes funcións:

• Xestionar as actuacións previas para comprobar a adecuación das vivendas ofertadas para a sua inclusión no programa de aluguer.
• Comprobar o cumplimento dos requisitos fixados para as persoas arrendatarias.
• Xestionar os contratos de alugamento que se asinen ao amparo do programa.
• Adoptar as medidas necesarias para garantir o bo uso das vivendas incluidas no programa e o pagamento das rendas establecidas.
• Coordinar o funcionamento das oficinas de información do programa.
• Propoñer as regulacións normativas relativas ao programa de aluguer.
• En xeral, cantos asuntos lle sexan encomendados de acordo con estas funcións.

Servizo de Axudas ao Aluguer

Realizará as seguintes funcións:

• Xestionar o pagamento das axudas do programa de aluguer.
• Xestionar o pagamento das axudas ao alugamento destinadas a colectivos específicos.
• Xestionar calquera outra axuda que a normativa estableza relativa ás vivendas en alugamento. En xeral, cantos asuntos lle sexan encomendados de acordo con estas funcións.