Á Dirección Técnica de Xestión Económica e Orzamentos correspóndelle, sen prexuízo das competencias que en materia de control sexan exercidas pola Consellería de Facenda, a través da Intervención Xeral da Comunidade Autónoma, as seguintes funcións:

• A supervisión e asesoramento da actividade económica do IGVS.
• A subministración, á Dirección Xeral, da información da actividade económica do Instituto.
• A colaboración coa Dirección Xeral e a Secretaría Xeral na planificación e programación da actividade económica, así como no proceso de orzamentación do Instituto, a súa execución, a distribución dos proxectos e financiamento. Así mesmo a coordinación da Tesourería.
• Coordinar os traballos de inventario do IGVS, os procedementos de actualización, así como a coordinación das unidades que teñan implicación no seu mantemento, todo elo sen prexuízo das funcións que corresponden á Secretaría Xeral e ó Servizo de Contabilidade e Tesourería no relativo á certificación dos bens que forman parte de aquel, e maila anotación na contabilidade do Instituto. Así mesmo, remitirá, a solicitude da Consellería de Facenda, os datos precisos para a actualización do Inventario Xeral do Patrimonio da Comunidade Autónoma.
• A análise dos procedementos de gasto do IGVS, propoñendo as modificacións precisas para que se axusten ós principios de economicidade e axilidade que permitan unha maior eficacia para a xestión.
• Coordinar as relacións cos órganos de control da Xunta de Galicia, o Consello de Contas ou o Tribunal de Cuentas.
• A dirección da contabilidade do organismo.
• A coordinación da Tesourería e dos ingresos e pagamentos do organismo.
• Calquera outra que se lle encomende en relación coas anteriores.

A Dirección Técnica de Xestión Económica e Orzamentos contará cos seguintes servizos, con rango de xefatura de servizo:

Correspóndelle o exercicio das seguintes funcións:

• Elaborar o anteproxecto de orzamento do Instituto.
• Efectuar o seguimento da execución do orzamento.
• Tramitar, cando sexa preciso, as oportunas modificacións do orzamento.
• Calquera outra que se lle encomende en relación coas anteriores.

Realizará, en colaboración coa Intervención Delegada do IGVS, as seguintes funcións:

• Formular propostas de control preventivo do cumprimento da legalidade substantiva e formal nos procesos de xestión do gasto do IGVS.
• Apoio ó control posterior do cumprimento das normas e directrices internas e externas na xestión das operacións do IGVS, así como do cumprimento dos principios de eficacia e economía na súa xestión.
• Propostas de melloras, modificacións ou revisións dos procedementos de xestión económico-financieira do IGVS.
• A revisión e supervisión dos procesos nos que se concreta a actividade económica do organismo con carácter previo áaprobación pola Dirección Xeral.
• Asesoramento ás unidades con competencia na xestión do gasto.
• Mantemento de información continua relativa ós gastos.
• Calquera outra relativa ó control económico-financieiro que lle asigne a normativa de aplicación.

Servizo de Contabilidade e Tesourería

Correspóndelle o exercicio das seguintes funcións:

• Realizar as accións propias da xestión da tesourería do Instituto, así como a materialización dos ingresos e pagamentos, o control dos saldos das contas correntes do IGVS, a recepción, custodia e devolución de depósitos que se constitúan ante o Instituto, e de se-lo caso, xestionar as funcións que lle corresponden ó IGVS en relación coa recadación executiva prevista na disposición adicional terceira da Lei 3/1988, de creación do Instituto.
• Elaborar e subministra-la información contable que precisen os órganos de dirección do Instituto.
• Levar e desenvolver a contabilidade do Instituto.
• Preparar as posibles modificacións e adaptacións do Plan Xeral de Contabilidade Pública para o IGVS.
• Preparar e examina-las contas que debe rende-lo Instituto perante o seu órgano de tutela, a Xunta de Galicia, o Consello de Contas, o Tribunal de Cuentas ou calquera outra rendición de contas preceptiva.
• Velar polo cumprimento das obrigas formais coa administración tributaria.
• Calquera outra que se lle encomende en relación coas anteriores.