Á Dirección Técnica de Construccións e Calidade correspóndelle o exercicio das seguintes funcións:

• Propoñer e elaborar plans xerais e programas anuais detallados de actuación en materia de rehabilitación e promoción pública de vivenda, ben sexa en solo propio do Instituto ou ben mediante concursos de adquisición de vivendas xa rematadas ou en fase de proxecto ou construcción, así como a súa xestión.
• Propoñer e elaborar plans xerais e programas anuais detallados de conservación do parque de vivendas de promoción pública e a xestión dos anteditos programas, así como a xestión das axudas que se establezan ás comunidades de propietarios/as destas vivendas.
• Elaborar os pregos de prescricións técnicas para a contratación das obras do Instituto e supervisar e aprobar, de se-lo caso, os que lle sexan sometidos á súa consideración.
• Controlar a execución dos programas de construcción e rehabilitación e o cumprimento dos prazos previstos nos proxectos de obras.
• Supervisar os proxectos que lle sexan encomendados.
• Xestionar os convenios para a promoción pública de vivendas.
• Xestionar a adquisición de vivendas, edificios e aloxamentos provisionais e actuacións de emerxencia en promoción pública de vivendas.
• A proposta de regulación normativa e de establecemento de estándares de habitabilidade das vivendas no marco das demandas actuais de confort e eficiencia enerxética.
• O seguimento da aplicación do Código Técnico da Edificación e a proposta para o seu desenvolvemento normativo adaptado ás características da edificación en Galicia.
• O establecemento de estándares técnicos, e en xeral a acreditación das recomendacións que se establezan no relativo a materiais, procesos e sistemas constructivos.
• A acreditación de entidades de control de calidade, así como laboratorios de calidade en materia de edificación.
• Aquelas outras medidas que garantan técnicamente a protección dos/as adquirentes e usuarios/as de vivendas.

A Dirección Técnica de Construccións e Calidade estructúrase nas seguintes unidades, con rango de xefatura de servizo:

Servizo de Programación, Xestión de Investimentos e Apoio Administrativo.

Correspóndelle o exercicio das seguintes funcións:

• Realizar estudios de investimentos en coordinación coa Dirección Técnica de Xestión Patrimonial, nos aspectos económico-financieiros.
• Realizar a proposta de orzamento das obras de construcción e conservación de vivendas e urbanizacións.
• Supervisar os investimentos concluídos e realiza-la proposta e reaxuste de anualidades en función do grao de avance das obras.
• A xestión das certificacións e incidencias nas obras.
• O seguimento e a xestión das obras realizadas en réxime concertado, das súas certificacións e das incidencias nelas.
• A xestión administrativa dos asuntos de competencia da dirección técnica.
• En xeral, cantos asuntos lle sexan encomendados de acordo con estas funcións.

Correspóndelle o exercicio das seguintes funcións:

• Propoñer a normativa de deseño e técnicas que se vaian aplicar na construcción de vivendas de promoción pública.
• Actuar como oficina de supervisión de proxectos coas funcións previstas na normativa de contratación púiblica.
• Elaborar os pregos de prescricións técnicas para a contratación de obra nova e adquisición de vivendas e locais en fase de proxecto ou construcción, garantindo o seu axuste ás normas establecidas, e informar sobre os que sexan sometidos á súa consideración.
• Realizar o plan de control de calidade para asegurar o cumprimento das normas establecidas, así como o control e, de se-lo caso, a inspección da execución das obras para verifica-lo cumprimento da normativa reguladora da construcción.
• Realizar informes técnicos de avaliación de ofertas, a petición, de se lo caso, das mesas de contratación e os órganos de contratación.
• Dirixir, no seu caso, obras de construcción e reparación de vivendas de promoción pública.
• Asesorar técnicamente en materia de rehabilitación de vivendas, na elaboración da documentación técnica e en cantas materias relacionadas coas súas funcións lle sexan formuladas, garantindo o apoio técnico requirido polos outros órganos do Instituto.
• Realizar estudios técnicos no ámbito da súa competencia.
• Redactar os proxectos que lle sexan encomendados.
• Supervisar ou recibir, de se-lo caso, as certificacións parciais e finais das obras do Instituto en execución directa ou concertada.
• En xeral, cantos asuntos lle sexan encomendados de acordo con estas funcións.

Servizo de Calidade.

Correspóndelle o exercicio das seguintes funcións:

• Elaborar disposicións técnicas en materia de control de calidade.
• Emitir informes e certificados técnicos relativos aos procesos de edificación e materiais, así como a tramitación das actuacións necesarias para a acreditación de laboratorios e entidades técnicas de control.
• O estudio e proposta de disposicións relativas aos materiais, técnicas e procesos de aforro enerxético e edificación sostible.
• A proposta de regulación das normas en materia de habitabilidade.
• Cantas funcións en relación coa mesma materia lle sexan encomendadas polos órganos do Instituto ou as disposición en materia de calidade.