Á
Dirección Técnica de Xestión Patrimonial e Fianzas correspóndelle o exercicio das
seguintes funcións:
- A administración e xestión do patrimonio do Instituto correspondente a vivendas e locais
comerciais así como a xestión das rendas dos bens deste.
- A elaboración das propostas de normativa reguladora do uso, conservación, aproveitamento e
transmisión dos bens do IGVS.
- A xestión dos ingresos relacionados coas competencias propias que lle correspondan á
Dirección Técnica.
- O desenvolvemento e execución das competencias que a Lei 3/1988 lle atribúe ó Instituto en
materia financieira e en especial o endebedamento.
- A xestión das fianzas asi como a proposta do desenvolmento normativo para a constitución
dos depósitos.
- A tramitación, de se-lo caso, de convenios coas entidades financieiras para o financiamento
hipotecario das promocións de vivenda pública.
- A realización dos estudios precisos para un mellor coñecemento das necesidades no ámbito das
súas competencias.
Dependendo do/a director/a técnico/a existirán as seguntes unidades, con rango de xefatura de
servizo:
O Servizo de Xestión do Patrimonio, coas seguintes funcións:
- Realiza-lo seguimento dos créditos de investimentos do IGVS, tramitando o pagamento de xuros
e a subsidiación que se derive dos convenios coas entidades financeiras como consecuencia da
subrogación nos créditos dos/as adquirentes de vivendas.
- A revisión e control das contas de recadación ou, de se-lo caso, a xestión directa da
recadación. Controla-las altas e baixas en facturación de locais, aportacións iniciais e IVE. O
control da facturación e ingresos correspondentes a vivendas adxudicadas en segundas
transmisións.
- A revisión e a tramitación dos estudios económicos de valoración de vivendas para a súa
aprobación.
- O estudo, a proposta e a xestión de tódalas actuacións encamiñadas á mellor administración do
patrimonio de vivendas e locais comerciais do Instituto, como as amortizacións anticipadas, as
poxas e outras.
- Xestiona-las axudas ós /ás adquirentes de vivendas de promoción pública.
- En xeral, cantos asuntos lle sexan encomendados de acordo con estas funcións.
O Servizo de Fianzas, ó que lle corresponderá o exercicio das seguintes
funcións:
- A administración e xestión directa, ou mediante concertos, das fianzas legalmente
establecidas nos supostos de alugamento de vivendas e locais de negocio e contratos de
subministración.
- A aplicación da normativa reguladora en materia de depósitos de fianzas.
- A xestión de asuntos referentes á facenda pública e, específicamente, a xestión do IVE no
ámbito das vivendas de promoción pública e locais comerciais, así como a xestión do IBI e o resto
dos tributos locais que gravan ás vivendas.
- En xeral, cantos asuntos lle sexan encomendados de acordo con estas funcións.
Podes suscribirte as novidades cun lector de feeds