Santiago, 19 de xullo de 2011.- A Comisión Provincial de Vivenda sorteou hoxe seis
vivendas de promoción pública construídas polo IGVS en Muimenta, no concello de Cospeito, que
quedaran vacantes dunha adxudicación anterior. O sorteo realizouse entre os adxudicatarios das
mesmas, para asignar a cada un deles a vivenda concreta que lles corresponde.
Estes pisos forman parte dunha promoción integrada por un total de 32 vivendas, das que 25
foron entregadas aos seus adxudicatarios o pasado 1 de marzo, nun acto que contou coa presenza
delegada territorial da Xunta de Galicia, Raquel Arias, e o director xeral do Instituto Galego da
Vivenda e Solo (IGVS), Antonio Boné
A promoción está composta por pisos de 3 dormitorios -con 82 metros cadrados de superficie
útil-, de catro e de dous cuartos. As superficies destes últimos aproximan aos 63 metros cadrados,
e os máis grandes chegan aos 90 metros cadrados. Todas teñen vinculado un trasteiro e unha praza de
garaxe.