-
O Consello da Xunta aprobou hoxe os compromisos de pagamento plurianuais
-
A maior parte do orzamento (9,9 millóns de euros) van destinados a subvencionar aos inquilinos,
con axudas entre o 30 e o 70 por cento do aluguer
Santiago, 16 de decembro de 2010.- A Xunta de Galicia destinará ao longo do
vindeiro ano case 11 millóns de euros para fomentar as súas políticas de acceso á vivenda no
marco do Programa Aluga. A previsión da Consellería de Medio Ambiente, Territorio e Infraestruturas
é que preto de 4.000 familias se beneficien destas subvencións.
O Instituto Galego da Vivenda e Solo destinará un total de 10.800.000 euros ás axudas
concedidas en 2011 a través do Programa Aluga, segundo establece o acordo do Consello da Xunta de
hoxe aprobando os correspondentes compromisos de pagamento plurianuais.
A maior parte dos 10,8 millóns de euros destinaranse a axudas a inquilinos para o
financiamento parcial da renda que pagan polas súas vivendas. En total serán 9.902.000 euros os que
se destinen a este fin.
Axuda a inquilino
Esta axuda esta dirixida aos inquilinos para o financiamento parcial da renda, nunha
porcentaxe que vai desde o 30% ata o 70% do prezo da renda, segundo tramo de ingresos. A axuda
incrementase en 10 puntos porcentuais cando se trate de vítimas de violencia de xénero. O número
estimado de beneficiarios cífrase en case 4.000.
Plan Aluga
O Programa Aluga, que entrou en vigor a comezos de agosto, está dirixido ao fomento do aluguer
de vivendas na Comunidade Autónoma de Galicia. Este programa de vivenda xorde da necesidade de dar
unha nova orientación ás medidas de fomento do aluguer de vivendas privadas, co obxecto de paliar
as disfuncionalidades detectadas no anterior programa, como a complexidade da tramitación con
externalización de funcións administrativas, o cadro de persoal sobredimensionado e os elevados
custos de funcionamento.
A través do Programa Aluga poderán acceder ás axudas para o aluguer todos os interesados con
ingresos inferiores a 3,5 veces o indicador público de rendas de efectos múltiples (Iprem),
inscritos no Rexistro Único de Demandantes de Vivenda e residentes en Galicia ou que desenvolvan o
seu traballo na nosa comunidade autónoma. Os propietarios de vivendas tamén se poderán beneficiar
de axudas para a rehabilitalas antes de poñelas á disposición do Programa, así como subvencións
para os gastos derivados do aluguer.
Coa posta en marcha do programa Aluga recupérase por parte do Instituto Galego de Vivenda e
Solo a xestión das axudas de aluguer, polo que as partidas destinadas ao seu funcionamento se
destinarán á repartición de axudas.
A previsión do departamento que dirixe Hernández para os vindeiros tres anos é que o custo
total do Programa Aluga acade máis de 35 millóns de euros, e que beneficie unhas seis mil
familias galegas.
No cadro adxunto amósase como cun custo semellante, o novo Programa Aluga permite incrementar
de maneira notable os fondos destinados a axudas ao aluguer.
|
Programa de vivenda en aluguer (3 anos bipartito)
|
Programa Aluga (próximos 3 anos)
|
Subvencións:
|
25.423.791,78 euros
|
32.398.643,50 euros
|
Gastos de funcionamento:
|
8.686.511,19 euros
|
2.876.812,13 euros
|