§  A vivenda, cedida por Abanca, foi adxudicada en alugueiro social a unha familia en situación de especial necesidade

§  No que vai de 2017, a Xunta xa realoxou a 37 familias en vivendas da súa propiedade ou cedidas por Abanca, Sareb, CaixaBank e Banco Sabadell

Santiago de Compostela, 1 de xuño de 2017 .- A Xunta de Galicia, a través do Instituto Galego da Vivenda e Solo (IGVS), entregou hoxe, despois de asinar o contrato, as chaves dunha vivenda emprazada en Covelo (Pontevedra) a unha familia en situación de especial necesidade. A adxudicación realizouse en réxime de alugueiro social.

O inmoble foi cedido por Abanca ao Instituto Galego da Vivenda e Solo (IGVS), dependente da Consellería de Infraestruturas e Vivenda, con destino a alugueiro social.

No que vai de 2017, a Xunta xa realoxou a 37 familias en vivendas da súa propiedade ou cedidas por Abanca, Sareb, CaixaBank e Banco Sabadell. A estas familias hai que sumar as beneficiadas polo Bono de Alugueiro Social e outras medidas adoptadas pola Administración autonómica.

Ao abeiro das 12 medidas adoptadas pola Xunta fronte aos desafiuzamentos e en defensa do dereito á vivenda xa foron atendidos máis de 1.200 casos en toda Galicia.