§
O Diario Oficial de Galicia publica hoxe a resolución pola que se licitan as obras,
consistentes no illamento térmico das fachadas.
§
Tamén está previsto licitar proximamente as obras de mellora da
eficiencia enerxética doutro grupo de vivendas de Melide.
Santiago de
Compostela, 18 de abril de 2017
.-
A Xunta de Galicia destinará 252.830,79 euros á execución de obras de mellora da eficiencia
enerxética de 20 vivendas de promoción pública emprazadas en Melide. O Diario Oficial de Galicia
publica hoxe a resolución do Instituto Galego da Vivenda e Solo pola que se licita a execución das
obras.
As obras, que consistirán no illamento térmico do edificio polo
exterior para mellorar a súa eficiencia térmica e, polo tanto, incrementar o rendemento do consumo
enerxético realizado nas mesmas, realizaranse nos portais 4, 5 e 6 do edificio de vivendas de
promoción pública, construídas polo IGVS, emprazadas na rúa José Cándido Ares, en Melide (A
Coruña).
As obras están cofinanciadas polo Fondo Europeo de Desenvolvemento
Rexional (Feder) no marco do programa operativo Feder-Galicia 2014-2020. O prazo de execución das
obras será de tres meses dende o inicio das mesmas.
As empresas interesadas dispoñen de 26 días naturais para presentar as
súas ofertas.
Proximamente tamén se licitará a obra de mellora da eficiencia
enerxética das vivendas de dos portais 1, 2 e 3 do mesmo mesmo grupo de vivendas de promoción
pública emprazadas en Melide.
O IGVS ten en marcha un programa de mellora da eficiencia
enerxética de vivendas de promoción pública, no marco do cal se están a realizar actuacións en tres
grupos de vivendas en Santiago de Compostela e están previstos en varias localidades de toda
Galicia.