Santiago, 2 de xuño de 2009.- A ex-conselleira de Vivenda do bipartito, Teresa
Táboas, recoñeceu hoxe o desfase presupostario de 40 millóns de euros deixado no IGVS e perdeu unha
oportunidade inmellorable para pedir desculpas aos galegos pola irresponsable xestión do diñeiro
público realizada dende o departamento que dirixiu. Os datos aportados pola Consellería de Medio
Ambiente revelan que Táboas inflou os ingresos de maneira ficticia para equilibrar as contas con
ventas que sabía de antemán que non se ían producir. Tamén utilizou aos xestures como artificio
financeiro para cadrar os presupostos do IGVS mediante a transmisión de solo. Como exemplo, cabe
salientar que dos 16 millóns de euros de ingresos previstos pola venda de solo residencial e
industrial en 2008, ingresáronse realmente 2,3 millóns de euros; e pola amortización de vivendas
ingresáronse 123.000 euros dos 10,1 millóns de euros previstos. Aínda así, e tendo en conta que nos
atopábamos en plena crise económica, nos orzamentos de 2009 aumentou as previsións de ingresos a
27,8 millóns de euros e 19,7 millóns de euros, respectivamente, é dicir un 1.087% e un 15.869% máis
do que recadara o ano anterior. No que vai de ano 2009 comprometeuse o 55% do presuposto,
recoñecéronse ingresos por menos do 24% e se leva cobrado efectivamente menos do 1%. Esta
situación, xunto cos 40 millóns de euros de desfase presupostario, é a verdadeira herdanza deixada
aos galegos polo bipartito en materia de vivenda. Publicidade e axudas ao aluguer Polo que se
refire ao presuposto destinado á publicidade, que segundo dixo hoxe foi para anunciar o rexistro de
demandantes de vivenda en aluguer, Teresa Táboas gastou 3,15 millóns de euros por este concepto en
2008, mentres que as axudas para vivenda en aluguer ascenderon a 4,5 millóns de euros.
SAÚDOS,
GABINETE DE COMUNICACIÓN DA CONSELLERÍA DE MEDIO AMBIENTE, TERRITORIO E INFRAESTRUTURAS