-
As vivendas estarán en dous edificios de 24 e 28 vivendas respectivamente.
-
A redacción dos proxectos e a construción das vivendas foi adxudicada por un importe total de
preto de cinco millóns de euros.
-
Os proxectos están actualmente en redacción e as obras poderían iniciarse en xaneiro e abril
de 2010.
Santiago, de decembro de 2009.-
O Instituto Galego da Vivenda e Solo iniciará en 2010 a construción dun total de 52 vivendas
de promoción pública en O Bertón, en terreos que está urbanizando Xestur Coruña. O IGVS xa
adxudicou os contratos para a redacción do proxecto e a construción de dous edificios que contarán
con 24 e 28 vivendas respectivamente. O investimento total acada os 4.837.101,3 euros.
Vinte e catro vivendas en xaneiro
No próximo mes de xaneiro prevese o inicio da construción dun primeiro bloque de 24 vivendas,
cuxo proxecto está actualmente en redacción. Unha vez redactado e supervisado o proxecto,
iniciarase a construción das vivendas.
A redacción do proxecto e a execución das obras foi adxudicada á empresa Construcciones
Vilamiño, por un importe de 2.030.565,62 euros e un prazo de execución de 26 meses.
As 24 vivendas deste bloque disporán todas de dous dormitorios, cunha superficie útil de 69
metros cadrados. Todas contarán con cociña, estar-comedor, baño, trasteiro e garaxe.
Vinteoito en abril
Doutra banda, está previsto que no mes de abril se inicie a construción doutras 28 vivendas
de promoción pública, tamén no Bertón.
A redacción do proxecto e a obra de construción foi adxudicada á empresa Construcciones Angel
Jove por importe de 2.806.535,68 euros e un prazo de execución de 26 meses.
Na actualidade está en redacción o proxecto de edificación. Unha vez rematado e supervisado,
comezarán as obras de edificación, que se prevén para o mes de abril de 2010.
Oito das vivendas a construír contarán con dous dormitorios e unha superficie útil de 69
metros cadrados. As 20 vivendas restantes serán de tres dormitorios e 89 metros cadrados de
superficie útil. Todas contarán con cociña, estar-comedor, baño, trasteiro e garaxe.
