Axuda

A PROMOCIÓN DE ALOXAMENTOS PROTEXIDOS PARA COLECTIVOS ESPECIALMENTE VULNERABLES E OUTROS COLECTIVOS

¿Qué son os aloxamentos protexidos?

Son promocións que terán a condición de vivendas protexidas destinadas a ser arrendadas en favor de colectivos determinados por un período de 30 anos.
¿A que colectivos de persoas van destinados este tipo de aloxamentos? O promotor poderá elixir entre destinalos a colectivos especialmente vulnerables ou a colectivos específicos.

Colectivos especialmente vulnerables :

- As unidades familiares con ingresos que non excedan de  1,5 veces o IPREM.

-Os xóvenes menores de 35 anos e persoas maiores de 65 anos.

-As vítimas de terrorismo e da violencia de xénero.

-Os afectados por situacións catastróficas.

-As persoas dependentes ou con discapacidade e as familias que as teñan ao seu cargo.

-As persoas separadas ou divorciadas ao corrente do pago das pensións.

-As persoas sen fogar ou procedentes do chabolismo.

Colectivos específicos:

As persoas da comunidade universitaria ou investigadores e científicos.

¿Qué características teñen que ter este tipo de aloxamentos?

Deberán formar parte de edificios ou conxuntos de edificios destinados por completo a esta modalidade.

- A superficie útil de cada aloxamento será como mínimo de 40m2 cun máximo de 45m2 (un máximo do 25% dos aloxamentos de cada promoción poderá ter unha superficie útil máxima de 90m2.)

- Para os efectos do financiamento, a superficie útil protexida destinada a servizos comúns ou asistenciais das persoas aloxadas, que deberán estar integradas no propio edificio ou conxunto de edificios, non poderá exceder do 30% do total da superficie útil dos aloxamentos con independencia de que a superficie real sexa superior.

-Tamén poderán estar protexidas as prazas de garaxe vinculadas aos aloxamentos(a súa superficie útil máxima computable será de 25m2).

¿Cales son as condicións de uso e xestión deste tipo de aloxamentos?

- Réxime de ocupación: Será o arrendamento, a cesión temporal de uso ou autorizacións de permanencia.

- Destino dos aloxamentos: Que sexan ocupados por persoas integradas no colectivo aos que van dirixidos.

- Rendas e financiamento:

-Colectivos especialmente vulnerables . Terán o mesmo réxime de financiación  que os promotores de vivendas protexidas para alugueiro a 25 anos de réxime especial.

-Colectivos específicos. Terán o mesmo réxime de financiamento que os promotores de vivendas protexidas para o alugueiro por 25 anos de réxime xeral .

A prestación dos servizos comúns ou asistenciais: Poderá supor un incremento da renda do aloxamento ata o máximo correspondente a vivenda protexida para alugueiro a 25 anos de réxime concertado.

  Destinatarios

Colectivos especialmente vulnerables :

• As unidades familiares con ingresos que non excedan de  1,5 veces o IPREM.
• Os xóvenes menores de 35 anos e persoas maiores de 65 anos.
• As vítimas de terrorismo e da violencia de xénero.
• Os afectados por situacións catastróficas.
• As persoas dependentes ou con discapacidade e as familias que as teñan ao seu cargo.
• As persoas separadas ou divorciadas ao corrente do pago das pensións.
• As persoas sen fogar ou procedentes do chabolismo.

Colectivos específicos:

• As persoas da comunidade universitaria ou investigadores e científicos.